தமிழ் கொம் டிப்ஸ்

நாம் உருவாக்கும் அனைத்து கோப்புகளையும், நமக்குக் கிடைக்கும் எல்லாவிதமான கோப்புகளையும் நம் பெர்சனல் கணனியின் ஹார்ட் டிஸ்க் அல்லது பிளாஷ் ட்ரைவ், சிடி, டிவிடிக்களில் சேவ் செய்து வைக்கலாம்.

ஆனால் பதிவினை வாங்கிக் கொள்ளும் இந்த மீடியாக்கள் எல்லாம், என்றாவது ஒரு நாளில் கெட்டுப் போய் கோப்புகளை இழக்க வேண்டிய சூழ்நிலை ஏற்படலாம்.

எனவே இத்தகைய மீடியாக்களில் சேவ் செய்து வைப்பதுடன், சேவ் செய்து பாதுகாத்து தேவைப்படும் போது எடுத்துக் கொள்ளும் வசதியினைத் தரும் இணையத்தளங்களிலும் நம் கோப்புகளை சேவ் செய்து வைத்திடலாம். அத்தகைய சேவை தரும் தளங்களை இங்கு காணலாம்.

1. மைக்ரோசாப்ட் ஸ்கை ட்ரைவ்(Microsoft Sky Drive):

இந்த தளத்தில் கோப்புகளை சேவ் செய்து வைத்திட 7 ஜிபி அளவு இடம் தரப்படுகிறது. முதலில் 25 ஜிபி அளவு தரப்பட்டது. பின்னர், இது குறைக்கப்பட்டது. இருப்பினும் முன்பு பதிந்து கொண்டவர்களுக்குத் தொடர்ந்து 25 ஜிபி அனுமதிக்கப்படுகிறது.

நம் குடும்ப உறுப்பினர்களின் புகைப்படங்கள், வீடியோ கோப்புகளை அதிக எண்ணிக்கையில் சேவ் செய்து வைத்திட இது நல்ல தளம். இதில் ஒரு குறைபாடு உள்ளது. இதற்கு எந்த பாதுகாப்பும் இல்லை.

எனவே பெர்சனல் தகவல்கள் அடங்கிய தனி நபர் கோப்புகளை இதில் சேவ் செய்து வைப்பதனைத் தவிர்க்கலாம். தளத்தின் இணைய முகவரி:https://skydrive.live.com/

2. மோஸி ஹோம் ப்ரீ(Mozy Home Free):

இலவசமாக 2ஜிபி வரை இத்தளத்தில் கோப்புகளை சேவ் செய்திடலாம். கூடுதலாக இடம் வேண்டும் எனில் கட்டணம் செலுத்த வேண்டும்.

இதன் சிறப்பு, இந்த தளத்தில் உங்கள் கணக்கை செட் செய்து விட்டு குறிப்பிட்ட போல்டர்களை தேர்ந்தெடுத்து அமைத்தால் கோப்புகள் தாமாகவே ஒருங்கிணைக்கப்பட்டு சேவ் செய்யப்படும். இதன் தள முகவரி:http://mozy.com/home/free

3. ஐ ட்ரைவ்(IDrive): 

இத்தளம் நமக்கு இலவசமாக 5 ஜிபி இடம் தருகிறது. குறிப்பிட்ட பெர்சனல் கணனி என்றில்லாமல், உங்களுடைய பெர்சனல் கணனி, மேக் கணனி, ஐபோன், ஐபேட் மற்றும் ஆண்ட்ராய்ட் சிஸ்டத்தில் இயங்கும் உங்கள் சாதனம் எதிலிருந்தும் கோப்புகளை இந்த தளத்திற்குக் கொண்டு சென்று சேவ் செய்திடலாம்.

ஆனால் பயன்படுத்தும் மொத்த அளவு 5 ஜிபி ஆக இருக்க வேண்டும். இங்கு கோப்புகள் 256bit AES என்கிரிப்ஷன் என்ற தொழில் நுட்பத்தினைப் பயன்படுத்தி சேவ் செய்யப்படுகின்றன. இதற்கான கீ உங்களுக்கு மட்டுமே அறிவிக்கப்படும்.

இந்த ட்ரைவில் கூட பதிந்து வைக்கப்பட மாட்டாது. எனவே முற்றிலும் பாதுகாப்பானது. இத்தளத்தில் கட்டணம் செலுத்தி இடம் பெற திட்டமிடுபவர்களுக்குப் பல்வேறு கட்டணத் திட்டங்கள் உள்ளன. இதன் தள முகவரி: http://www.idrive.com/index.html

4. சுகர் சிங்க்(SugarSync):

இந்த தளமும் இலவசமாக 5 ஜிபி இடம் தருகிறது. அனைத்து வகை ஆப்பரேட்டிங் சிஸ்டங்களில்(Android device, iPhone, iPad, BlackBerry, and Kindle Fire) இயங்கும் கணனியிலிருந்து கோப்புகளை மாற்றலாம்.

பெர்சனல் கணனியிலிருந்து மேக் கணனிக்கு கோப்புகளை மாற்ற விரும்புபவர்களுக்கு இது ஒரு நல்ல தளம். கோப்புகளை சுருக்கி பதிய இந்த தளம் TLS (SSL 3.3) தொழில் நுட்பத்தினைப் பயன்படுத்திகிறது.

எனவே நம் கோப்புகள் பாதுகாப்பாக பதியப்படுகின்றன. கட்டணம் செலுத்தி, கூடுதலாக இடம் பெற்றுக் கொள்ளலாம். இந்ததள முகவரி:https://www.sugarsync.com/?source=myss